اہنکار، موہ، بھلیکھے، ڈر،
دکھّ، سکھ، آدر نرادری-
اہو جہیاں کئی کسم دیاں گلاں چلّ پئیاں۔
پربھو آپنا تماشا کر کے آپ ویکھ رہا ہے۔
ہے نانک! جدوں اس کھیڈ نوں سمیٹدا ہے تاں اک آپ ہی آپ ہو جاندا ہے ۔۔7۔۔
جتھے ادرشٹ پربھو ہے اوتھے اس دا بھگت ہے، جتھے بھگت ہے اوتھے اہ پربھو آپ ہے۔
ہر تھاں سنتاں دی مہما واستے پربھو جگت دا کھلارا کھلار رہا ہے۔
(سنتاں دا پرتاپ تے مایا دا پربھاو-انھاں) دوہاں پکھاں دا مالک پربھو آپ ہے۔
پربھو جی آپنی سوبھا آپ ہی جاندے ہن۔
پربھو آپ ہی کھیڈاں کھیڈ رہا ہے آپ ہی آنند تماشے کر رہا ہے،
آپ ہی رساں نوں بھوگن والا ہے تے آپ ہی نرلیپ ہے۔
جو اس نوں بھاؤندا ہے، اس نوں آپنے نام وچ جوڑدا ہے،
تے جس نوں چاہندا ہے مایا دیاں کھیڈاں کھڈاؤندا ہے۔
ہے بیئنت! ہے اتھاہ! ہے اگنت! ہے اڈول پربھو!
ہے نانک (اؤں ارداس کر تے آکھ) جویں توں بلاؤندا ہیں تویں تیرے داس بولدے ہن ۔۔8۔۔21۔۔
سلوکُ ۔۔
ہے جیاں جنتاں دے پالن والے پربھو! توں آپ ہی سبھ تھائیں ورت رہا ہیں۔
ہے نانک! پربھو آپ ہی سبھ تھائیں موجود ہے، (اس توں بنا کوئی) دوجا کتھے ویکھن وچ آیا ہے؟ ॥1۔۔
اسٹپدی ۔۔
(سبھ جیواں وچ) پربھو آپ بول رہا ہے آپ ہی سنن والا ہے،