آپ ہی اکّ ہے (سرشٹی رچن توں پہلاں)، تے آپ ہی (جگت نوں آپنے وچ) سمیٹ لیندا ہے۔
جدوں اس نوں چنگا لگدا ہے تاں سرشٹی رچ لیندا ہے،
جدوں اس نوں چنگا لگدا ہے (جگت نوں آپنے وچ) سمیٹ لیندا ہے۔
(ہے پربھو!) تیتھوں وکھرا کجھ نہیں ہے،
توں (آپنے ہکم-روپ) دھاگے وچ سارے جگت نوں پرو رکھیا ہے۔
جس منکھّ نوں پربھو جی آپ سوجھ بخشدے ہن،
اہ منکھّ پربھو دا سدا-تھر رہن والا نام ہاسل کر لیندا ہے۔
اہ منکھّ سبھ ول اک نزر نال تکدا ہے، اکال پرکھ دا مہرم ہو جاندا ہے۔
ہے نانک! اہ سارے جگت دا جتن والا ہے ۔۔1۔۔
سارے جیو جنت اس پربھو دے وسّ وچ ہن،
اہ دیناں تے دیا کرن والا ہے، تے، اناتھاں دا مالک ہے۔
جس جیو نوں پربھو آپ رکھدا ہے اس نوں کوئی مار نہیں سکدا۔
مویا ہویا (تاں) اہ جیو ہے جس نوں پربھو بھلا دیندا ہے۔
اس پربھو نوں چھڈّ کے ہور کتھے کوئی جائے؟
سبھ جیواں دے سر تے اک آپ ہی پربھو ہے جو مایا دے پربھاو توں پرے ہے۔
جس دے وسّ وچ سبھ جیواں دی زندگی دا بھیت ہے،
اس پربھو نوں اندر باہر سبھ تھائیں انگ-سنگ جانہُ۔
جو گناں دا خزانا ہے، بیئنت ہے تے اپار ہے،
ہے نانک! (آکھ، پربھو دے) سیوک اس توں سدکے ہن ۔۔2۔۔
دیا دے گھر پربھو جی سبھ تھائیں بھرپور ہن،