توں کہو جہا ہیں تے کیڈا وڈا ہیں-اہ توں آپ ہی جاندا ہیں۔
ہے نانک! (آکھ، ہے پربھو!) تیرے سیوک (تیتھوں) سدا سدکے جاندے ہن ۔۔8۔۔4۔۔
سلوکُ ۔۔
(ساریاں داتاں) دین والے پربھو نوں چھڈّ کے (جیو) ہور سواد وچ لگدے ہن؛
(پر) ہے نانک! (اہو جہا) کدے (کوئی منکھّ جیون-یاترا وچ) کامیاب نہیں ہندا (کیونکِ پربھو دے) نام توں بنا ازت نہیں رہندی ۔۔1۔۔
اسٹپدی ۔۔
(منکھّ پربھو توں) دس چیزاں لے کے سامبھ لیندا ہے،
(پر) اک چیز دی خاتر آپنا اتبار گوا لیندا ہے (کیونکِ ملیاں چیزاں بدلے شکریا تاں نہیں کردا، جیہڑی نہیں ملی اس دا گلا کردا رہندا ہے)۔
(جے پربھو) اک چیز بھی ناہ دیوے، تے، دس (دتیاں ہوئیاں) بھی کھوہ لئے،
تاں، دسو، اہ مورکھ کیہ کر سکدا ہے؟
جس مالک دے نال پیش نہیں جا سکدی،
اس دے اگے سدا سر نواؤنا ہی چاہیدا ہے،
(کیونکِ) جس منکھّ دے من وچ پربھو پیارا لگدا ہے،
سارے سکھ اسے دے ہردے وچ آ وسدے ہن۔
جس منکھّ توں پربھو آپنا ہکم مناؤندا ہے،
ہے نانک! (دنیا دے) سارے پدارتھ (مانو) اس نے لبھّ لئے ہن ۔۔1۔۔
(پربھو) شاہ انگنت (پدارتھاں دی) پونجی (جیو ونجارے نوں) دیندا ہے،
(جیو) کھاندا پیندا چاؤ تے خشی نال (اہناں پدارتھاں نوں) ورتدا ہے۔
(جے) شاہ آپنی کوئی امانت موڑ لئے،
تاں (اہ) اگیانی من وچ روسا کردا ہے؛