(جو جیو-استری اس پربھو-نامو دی خاتر) جنگل جنگل ڈھونڈھدی پھری (اس نوں ناہ ملیا، کیونکِ) اہ (نام-) وست تاں ہردے وچ سی، گھر دے اندر ہی سی۔
جدوں ستگورو نے (پربھو) ملایا تاں (اہ اس دے نام وچ) جڑ بیٹھی، تے اس دا جنم مرن دا دکھّ مکّ گیا ۔۔36۔۔
انیکاں (دھارمک) کرم کیتیاں (اہنکار توں) خلاسی نہیں ہو سکدی، گوپال دے گن گاؤن توں بنا (اس اہنکار دے کارن) نرک وچ ہی پئیدا ہے۔
(جو منکھّ نرے 'کرماں' دا ہی آسرا لیندا ہے) اس نوں ناہ اہ لوک ملیا ناہ پرلوک (بھاو، اس نے ناہ 'دنیا' سواری ناہ 'دین'، اجیہے بندے، کرم کانڈ دے) اؤگن وچ پھسے رہن کرکے انت پچھتاؤندے ہی ہن۔
ایسے منکھّ نوں ناہ گوپال نال ڈونگھی سانجھ ہاسل ہندی ہے، ناہ اچی سرت، تے ناہ ہی دھرم۔
(اہ اہنکار دے کارن) 'نام' توں بنا نربھؤ پربھو دی پراپتی نہیں ہو سکدی، 'اہنکار' نوں سمجھیا نہیں جا سکدا (بھاو، اہنکار وچ ٹکے رہاں اہ سمجھ بھی نہیں آؤندی کِ ساڈے اتے اہنکار دی کاٹھی پئی ہوئی ہے)۔
(اہ اک ایسا سمندر ہے کِ) اس دی ڈونگھائی تے پارلا بنا نہیں لبھّ سکدا، میں جتن کر کے تھکّ گئی ہاں، پر انت نہیں پا سکی؛
گوپال دے نام وچ رنگے ہوئے گرمکھاں توں بنا ہور کسے اگے اہ دکھّ دسیا بھی نہیں جا سکدا۔
ہے نانک! جے میں اس پیارے پربھو نوں مڑ مڑ یاد کراں تے اہ میلن دے سمرتھّ پیارا آپ ہی ملا لیندا ہے۔
جس پربھو نے ('ابھیمان' دی وتھّ پا کے) وچھوڑیا ہویا ہے اہ گرو دے اتھاہ پیار دی راہیں ملائیگا ۔۔37۔۔
(ہے پانڈے!) پاپ ماڑا (کمّ) ہے، پر پاپی نوں پیارا لگدا ہے،
اہ (پاپی) پاپ نال لدیا ہویا پاپ دا ہی کھلارا کھلاردا ہے۔
جے منکھّ پاپ چھڈّ کے آپنے اسلے نوں پچھانے،
تاں اس نوں چنتا، وچھوڑا تے دکھّ نہیں ویاپدے۔
نرک وچ پینوں کویں بچے؟ تے جمکال (بھاو، موت دے ڈر) نوں اہ کویں ٹال سکے؟
(جد تک) جھوٹھ پاپ-روپ موت (جیو دے آتمک جیون نوں) تباہ کر رہی ہے، تد تک اس دا جمنا مرنا کویں مکے؟
(جتنا چر) من (پاپاں دے) جنجالاں نال گھریا ہویا ہے، اہ (اہناں پاپاں دے) ہور ہور جنجالاں وچ پیندا ہے،
گوپال دے نام توں بنا (اہناں جنجالاں توں) بچ نہیں سکیدا، (سگوں جیو) پاپاں وچ ہی مڑ مڑ دکھی ہندے ہن ۔۔38۔۔
کالیاں کرتوتاں والا منکھّ مڑ مڑ پھاہی وچ پھسدا ہے،
(پھس کے) پھر پچھتاندا ہے کِ اہ کیہ ہو گیا؛