انیکاں دھارمک رسماں کر کے بھی (منکھّ پاپاں توں) نہیں بچدا،
(پر) پربھو دا نام کروڑاں پاپاں دا ناس کر دیندا ہے۔
(تاں تے) ہے میرے من! گرو دی سرن پے کے (پربھو دا) نام جپ؛
ہے نانک! (نام دی برکتِ نال) بڑے سکھ پاوہنگا ۔۔1۔۔
(منکھّ) ساری دنیا دا راجا (ہو کے بھی) دکھی (رہندا ہے)،
پر پربھو دا نام جپیاں سکھی (ہو جاندا ہے)؛
(کیونکِ) لکھاں کروڑاں (رپئے) کما کے بھی (مایا دی ترہ وچ) روک نہیں پیندی،
(ایس مایا-کانگ توں) پربھو دا نام جپ کے منکھّ پار لنگھ جاندا ہے؛
مایا دیاں بے-انت موجاں ہندیاں بھی (مایا دی) ترہ نہیں بجھدی،
(پر) پربھو دا نام جپیاں (منکھّ مایا ولوں) رجّ جاندا ہے۔
جہنیں راہیں اہ جیو اکلا جاندا ہے، (بھاو، زندگی دے جنھاں جھمبیلیاں وچ اس چنتاتر جیو دی کوئی سہیتا نہیں کر سکدا)
اوتھے پربھو دا نام اس دے نال سکھ دین والا ہندا ہے۔
(تاں تے) ہے من! اجیہا (سہیلا) نام سدا سمریئے،
ہے نانک! گرو دی راہیں (نام جپیاں) اچا درجا ملدا ہے ۔۔2۔۔
لکھاں کروڑاں بھراواں دے ہندیاں (منکھّ جس دین اوستھا توں) خلاسی نہیں پا سکدا،
اوتھوں (پربھو دا) نام جپیاں (جیو) پار لنگھ جاندے ہن۔
جتھے انیکاں اؤکڑاں آ دباؤندیاں ہن،
(اوتھے) پربھو دا نام ترت بچا لیندا ہے۔
(جیو) انیکاں جوناں وچ جمدا ہے، مردا ہے (پھر) جمدا ہے (ایسے تراں جنم مرن دے گیڑ وچ پیا رہندا ہے)،
نام جپیاں (پربھو-چرناں وچ) ٹک جاندا ہے۔