ہؤمے نال گندا ہویا (جیو) کدے اہ میل دھوندا نہیں،
(پر) پربھو دا نام کروڑاں پاپ ناس کر دیندا ہے۔
ہے من! (پربھو دا) اجیہا نام پیار نال جپ۔
ہے نانک! (پربھو دا نام) گرمکھاں دی سنگتِ وچ ملدا ہے ۔۔3۔۔
جس (زندگی روپی) پینڈے دے کوہ گنے نہیں جا سکدے،
اتھے (بھاو، اس لمے سفر وچ) پربھو دا نام (جیو دے) نال (راہ دی) راس-پونجی ہے۔
جس (زندگی روپ) راہ وچ (وکاراں دا) بڑا گھپّ ہنیرا ہے،
(اوتھے) پربھو دا نام (جیو دے) نال چانن ہے۔
جس رستے وچ (ہے جیو!) تیرا کوئی (اسلی) مرہم نہیں ہے،
اوتھے پربھو دا نام تیرے نال (سچا) ساتھی ہے۔
جتھے (زندگی دے سفر وچ) (وکاراں دی) بڑی بھیانک تپش تے گرمی ہے،
اوتھے پربھو دا نام (ہے جیو!) تیرے اتے چھاں ہے۔
(ہے جیو!) جتھے (مایا دی) ترہ تینوں (سدا) کھچّ پاؤندی ہے،
اوتھے، ہے نانک! پربھو دے نام دی برکھا ہندی ہے (جو تپش نوں بجھا دیندی ہے) ॥4۔۔
پربھو-نامو بھگتاں دا ہتھّ-ٹھوکا ہے،
بھگتاں دے ہی من وچ اہ ٹکیا رہندا ہے۔
پربھو دا نام بھگتاں دا آسرا ہے،
پربھو-نامو دی راہیں کروڑاں بندے (وکاراں توں) بچ جاندے ہن۔
بھگت جن دن رات پربھو دی وڈیائی کردے ہن،
تے، پربھو-نامو روپی دوائی اکٹھی کردے ہن (جس نال ہؤمے روگ دور ہندا ہے)۔