پربھو دا سمرن کر کے بھگت (جگت وچ) مشہور ہندے ہن،
سمرن وچ ہی جڑ کے (رشیاں نے) وید (آدک دھرم پستک) رچے۔
پربھو دے سمرن دوارا ہی منکھّ سدھّ بن گئے، جتی بن گئے، داتے بن گئے؛
سمرن دی برکتِ نال نیچ منکھّ سارے سنسار وچ پرگٹ ہو گئے۔
پربھو دے سمرن نے ساری دھرتی نوں آسرا دتا ہویا ہے؛
(تاں تے ہے بھائی!) جگت دے کرتا پربھو نوں سدا سمر۔
پربھو نے سمرن واستے سارا جگت بنایا ہے؛
جتھے سمرن ہے اوتھے نرنکار آپ وسدا ہے۔
میہر کر کے جس منکھّ نوں (سمرن کرن دی) سمجھ دیندا ہے،
ہے نانک! اس منکھّ نے گرو دوارا سمرن (دی دات) پراپت کر لئی ہے ۔۔8۔۔1۔۔
سلوکُ ۔۔
دیناں دے درد تے دکھّ ناس کرن والے ہے پربھو! ہے ہریک سریر وچ ویاپک ہری! ہے اناتھاں دے ناتھ!
ہے پربھو! گرو نانک دا پلا پھڑ کے میں تیری سرن آیا ہاں ۔۔1۔۔
اسٹپدی ۔۔
جتھے ماں، پیو، پتر، متر، بھرا کوئی (ساتھی) نہیں (بندا)،
اوتھے ہے من! (پربھو) دا نام تیرے نال سہیتا کرن والا (ہے)۔
جتھے وڈے ڈراؤنے جمدوتاں دا دل ہے،
اوتھے تیرے نال سرف پربھو دا نام ہی جاندا ہے۔
جتھے بڑی بھاری مشکل ہندی ہے،
(اوتھے) پربھو دا نام اکھّ دے پھور وچ بچا لیندا ہے۔