راگ بلاولُ، گھر 1 وچّ گرو نانکدیو جی دی چار-بنداں والی بانی۔
ہے پربھو! تیری سفتِ-سالاہ کر کے میں تیری وڈیائی نہیں کر رہا، (اہ تاں اؤں ہی ہے کِ) توں بادشاہ ہیں، تے میں تینوں میاں آکھ رہا ہاں۔
(پر اتنی کُ سفتِ-سالاہ کرنی میری آپنی سمرتھا نہیں ہے) ہے مالک-پربھو! (سفتِ-سالاہ کرن دا) جتنا کُ بل توں دیندا ہیں میں اتنا کُ تیرے گن آکھ لیندا ہاں۔ میں اننجان پاسوں تیرے گن بیان نہیں ہو سکدے ۔۔1۔۔
ہے پربھو! مینوں (اجیہی) سمجھ بخش کِ میں تیری سفتِ-سالاہ کر سکاں۔
ہے رزا دے مالک-پربھو! توں سدا کائم رہن والا ہیں تے، سفتِ-سالاہ دی برکتِ نال میں تیرے (چرناں) وچ ٹکیا رہِ سکاں ۔۔1۔۔ رہاؤ ۔۔
اہ جتنا کُ جگت بنیا ہویا ہے اہ سارا تیتھوں ہی بنیا ہے، اہ ساری تیری ہی بزرگی ہے۔
ہے مالک-پربھو! میں تیرے گناں دا انت نہیں جان سکدا۔ میں انھا ہاں (تچھّ-اکل ہاں) میرے وچ کوئی ایسی سیانپ نہیں ہے (کِ میں تیرے گناں دا انت جان سکاں ۔۔2۔۔
میں تیرے گن بلکل نہیں کہِ سکدا۔ تیرے گن آکھ آکھ کے جدوں میں ویکھدا ہاں (تاں مینوں سمجھ پیندی ہے کِ) تیرا سروپ بیان توں پرے ہے، میں بیان کرن جوگا نہیں ہاں۔
تیری رتا ماتر وڈیائی بھی جیہڑی میں آکھدا ہاں اہی آکھدا ہاں جو تینوں بھاؤندی ہے (بھاو، جتنی کُ توں بیان کرن لئی آپ ہی سمجھ دیندا ہیں) ॥3۔۔
(ہے پربھو! اتھے کامادک) انیکاں کتے ہن، میں (اہناں وچ) اوپرا (آ پھسیا) ہاں، (جتنی کُ تیری سفتِ-سالاہ کردا ہاں اہ بھی میں) آپنے اس سریر نوں (کامادک کتیاں توں بچان لئی بھونکدا ہی ہاں، جویں اوپرا کتا ویری کتیاں توں بچن لئی بھونکدا ہے)۔
(مینوں اہ دھرواس ہے کِ) جے (تیرا داس) نانک بھگتی توں سکھنا ہے (تاں بھی توں میرے سر تے راکھا خسم ہیں، تے تیں) خسم دی اہ سوبھا دور نہیں ہو گئی (کِ توں مڈھّ کدیماں توں سرن آئے دی سہیتا کردا آیا ہیں) ॥4۔۔1۔۔
بلاولُ مہلا 1 ۔۔
میرا من (پربھو-دیوو دے رہن لئی) مندر (بن گیا) ہے، میرا سریر (بھاو، میرا ہریک گیان-اندرا مندر دی جاترا کرن والا) رمتا سادھو بن گیا ہے (بھاو، میرے گیان-اندرے باہر بھٹکن دے تھاں اندر-وسدے پرماتما ول پرت پئے ہن)، ہن میں ہردے-تیرتھ اتے ہی اشنان کردا ہاں۔
پرماتما دی سفتِ-سالاہ دا شبد میری جند وچ ٹک گیا ہے (میری جند دا آسرا بن گیا۔ اس واستے مینوں یکین ہو گیا ہے کِ) میں مڑ جنم وچ نہیں آوانگا ۔۔1۔۔
ہے میری ماں! (میرا) من دیا-دے-گھر پربھو (دے چرناں) وچ وجھّ گیا ہے۔
مینوں یکین ہو گیا ہے کِ (پرماتما توں بنا) کوئی ہور کسے دوجے دا دکھّ-درد سمجھ نہیں سکدا۔
ہن میں (پربھو توں بنا) کسے ہور دی آس نہیں رکھدا ۔۔1۔۔ رہاؤ ۔۔
ہے اپہنچ! ہے اگوچر! ہے ادرشٹ! ہے بیئنت پربھو! توں ہی ساڈی سبھ جیواں دی سمبھال کردا ہیں۔
توں جل وچ، دھرتی وچ، آکاش وچ ہر تھاں نکانک ویاپک ہیں، ہریک (جیو دے) ہردے وچ تیری جوتِ موجود ہے ۔۔2۔۔
ہے میرے مالک-پربھو! سبھ جیواں دے من تے سریر تیرے ہی رچے ہوئے ہن، سکھیا اکل سمجھ سبھ جیواں نوں تیتھوں ہی ملدی ہے۔