جیہڑے جگت-دے-سہارے پرماتما (دا آسرا) چھڈّ کے بندیاں دیاں آساں بنائی رکھدے ہن۔
(پربھو توں بنا) کسے ہور دے آسرے رہاں خوار ہی ہوئیدا ہے، (جو بھی کوئی ہور سہارا تکدا ہے) اس دے گل وچ جم دی پھاہی پیندی ہے (اس دا جیون سدا سہم وچ بیتدا ہے)۔
(کدرتِ دا نیم ہی ایسا ہے کِ) منکھّ جیہا بیج بیجدا ہے، (کیتے کرماں انوسار) جیہڑا لیکھ اسدے متھے اتے لکھیا جاندا ہے، اہو جہا پھل اہ پراپت کردا ہے۔
(جگجیون پرکھ نوں وسارن والی جیو-استری دی) ساری زندگی پچھتاویاں وچ ہی گزردی ہے، اہ جگت توں ٹٹے ہوئے دل نال ہی تر پیندی ہے۔
جنھاں بندیاں نوں گرو مل پیندا ہے، اہ پرماتما دی ہزوری وچ سرخرو ہندے ہن (آدر-مان پاندے ہن)۔
ہے پربھو! (تیرے اگے) نانک دی بینتی ہے-آپنی مہر کر، (میرے من وچ) تیرے درسن دی تانگھ بنی رہے،
(کیونکِ) ہے پربھو! تیتھوں بنا میرا کوئی ہور آسرا-پرنا نہیں ہے۔
جس منکھّ دے من وچ پربھو دے چرناں دا نواس بنیا رہے، اس نوں (تپدا) ہاڑ (بھی) سہاونا جاپدا ہے (اس نوں دنیا دے دکھّ-کلیش بھی دکھی نہیں کر سکدے) ॥5۔۔
جویں ساون وچ (ورکھا نال بنسپتی ہریاولی ہو جاندی ہے، تویں اہ) جیو-استری ہریاولی ہو جاندی ہے (بھاو، اس جیو دا ہردا کھڑ پیندا ہے) جس دا پیار پربھو دے سوہنے چرناں نال بن جاندا ہے۔
اس دا من اس دا تن پرماتما دے پیار وچ رنگیا جاندا ہے، پرماتما دا نام ہی (اس دی زندگی دا) آسرا بن جاندا ہے۔
مایا دے ناسونت کوتک اس نوں سارے سواہ (نکمے) دسدے ہن۔
(ساون وچ جویں ورکھا دی بوند سوہنی لگدی ہے، تویں پربھو-چرناں دے پیار والے بندے نوں) ہری دے نام دی آتمک جیون دین والی بوند پیاری لگدی ہے، گرو نوں مل کے اہ منکھّ اس بوند نوں پین جوگا ہو پیندا ہے (پربھو دی وڈیائی دیاں نکیاں نکیاں گلاں بھی اس نوں مٹھیاں لگدیاں ہن، گرو نوں مل کے بڑے شوک نال سندا ہے)۔
جس پربھو دے میل نال سارا جگت (بنسپتی آدک) ہریا-بھریا ہویا ہے، جو پربھو سبھ کجھ کرن جوگا ہے ویاپک ہے تے بیئنت ہے،
اس نوں ملن واستے میرا من بھی تانگھدا ہے، پر اہ پربھو آپ ہی آپنی مہر نال ملان دے سمرتھّ ہے۔
میں اہناں گرمکھ سہیلیاں توں سدکے ہاں، سدا کربان ہاں جنھاں نے پربھو دا ملاپ ہاسل کر لیا ہے۔
ہے نانک! (بینتی کر تے آکھ-) ہے پربھو! میرے اتے مہر کر، توں آپ ہی گرو دے شبد دی راہیں (میری جند نوں) سوارن جوگا ہیں۔
ساون دا مہینا اہناں بھاگاں والیاں (جیو-استریاں) واستے (کھیڑا تے ٹھنڈ لیاؤن والا) ہے جنھاں نے آپنے ہردے (روپ گل) وچ پرماتما دا نام (-روپ) ہار پایا ہویا ہے ۔۔6۔۔
(جویں) بھادروں (دے تراٹکے تے گھمے) وچ (منکھّ بہت گھبراندا ہے، تویں) جس جیو-استری دا پیار پربھو-پتیو توں بنا کسے ہور نال لگدا ہے اہ بھٹکنا دے کارن جیون دے سہیہ رستے توں کھنجھ جاندی ہے۔
اہ بھاویں لکھاں ہار سنگار کرے، (اس دے) کسے کمّ نہیں آؤندے۔
جس دن منکھّ دا سریر ناس ہوویگا (جدوں منکھّ مر جائگا) اس ویلے (سارے ساک-انگ) آکھنگے کِ اہ ہن گزر گیا ہے۔ (لوتھ اپوتر پئی ہے، اس نوں چھیتی باہر لے چلو)۔