اہ (پربھو دی ہی) بھال کردے ہن۔ (جدوں) ستگورو دی راہیں (رستا) سمجھ لیندے ہن تاں آپنے (اسل) گھر وچ ٹک جاندے ہن (بھٹکنوں ہٹ جاندے ہن)۔
اہ سنسار-سمندر (جیواں واستے) اؤکھا رستا ہے، اس وچوں تدوں ہی تر سکیدا ہے جے (دنیا والیاں) آساں بنانیاں چھڈّ دیئیے،
ستگورو دی میہر نال آپنے آپ نوں (آپنے اسلے نوں) پچھانیئے؛ اس تراں جیوندیاں مر جائیدا ہے (بھاو، اسے جیون وچ ہی من وکاراں ولوں ہٹ جاندا ہے) ॥41۔۔
(بیئنت جیو) مایا لئی ترلے لیندے مر گئے، پر مایا کسے دے نال ناہ نبھی،
جدوں (جیو-) ہنس دچتا ہو کے (موت آیاں) اٹھ تردا ہے تاں مایا دا ساتھ چھٹّ جاندا ہے۔
جو من مایا وچ پھسیا ہندا ہے اس نوں جم ولوں تاڑنا ہندی ہے (بھاو، اہ موت دا نام سن سن کے ڈردا ہے)، (مایا تاں اتھے رہِ گئی، تے مایا دی خاتر کیتے ہوئے) اؤگن نال تر پیندے ہن۔
پر جے منکھّ دے پلے گن ہون تاں من مایا ولوں پرت کے آپنے اندر ہی آپا-بھاو توں مر جاندا ہے (بھاو، اس وچ موہ آدک وکار نہیں رہِ جاندے)۔
پرماتما دا 'نام' بھلا کے (نری) مایا نوں ہی آپنی سمجھ کے (اس تراں سگوں) دکھّ وہاجھ کے ہی (بیئنت جیو) چلے گئے؛
کلے، پکے گھر، مہل ماڑیاں تے ہکومت (سبھ) ساتھ چھڈّ گئے، اہ تاں (مداری دی) کھیڈ ہی سن۔
ہے نانک! پربھو دے نام توں بنا سارا جیون وئرتھ جاندا ہے؛
(پر جیو وچارے دے کیہ وسِ؟ اہ بے-سمجھ ہے) پربھو آپ ہی سیانا ہے، آپ ہی سبھ کجھ جاندا ہے (اہی سمجھاوے تاں جیو سمجھے) ॥42۔۔
جو جیو (مایا دی ممتا دے بدھے ہوئے جگت وچ) آؤندے ہن اہ (اس ممتا وچ پھسے ہوئے اتھوں) جاندے ہن، مڑ جمدے مردے ہن تے دکھی ہندے ہن؛
(اہناں واستے) اہ چوراسی لکھّ جوناں والی سرشٹی رتا بھی گھٹدی ودھدی نہیں (بھاو، اہناں نوں ممتا دے کارن چوراسی لکھّ جوناں وچوں لنگھنا پیندا ہے)۔
(اہناں وچوں) بچدے سرف اہ ہن جنھاں نوں پربھو پیارا لگدا ہے،
(کیونکِ اہناں دی مایا پچھے) بھٹکنا مکّ جاندی ہے، مایا (اہناں ول آیاں) خوار ہندی ہے (اہناں نوں موہ نہیں سکدی)۔
(جگت وچ تاں) جو بھی دسدا ہے ناسونت ہے، میں کس نوں متر بناواں؟
(ساتھ نباہن والا متر تاں سرف پرماتما ہی ہے، اس دے اگے ہی) میں آپنی جند ارپن کراں تے تن من بھیٹ رکھاں۔
ہے کرتار! توں ہی سدا کائم رہن والا مالک ہیں۔ (ہے پانڈے!) مینوں کرتار دا ہی آسرا ہے۔
پربھو دے گن گانویاں ہی ہؤمے مردی ہے۔ (کیونکِ) ستگورو دے شبد وچ رنگیج کے ہی من وچ ٹھوکر (لگدی ہے) ॥43۔۔
(جگت وچ) ناہ کوئی رانا ناہ کوئی کنگال سدا جیوندا رہِ سکدا ہے؛ ناہ کوئی امیر تے ناہ کوئی فکیر؛