میں (پار لنگھن والے) اہناں بندیاں توں سدکے ہاں، اہناں نوں اوناشی تے وڈا پربھو مل پیا ہے،
اہناں دی چرن-دھوڑ لیاں (مایا دی ترشنا توں) چھٹّ جائیدا ہے، (پربھو میہر کرے) میں وی اہناں دی سنگت وچ اہناں دے اکٹھّ وچ رہاں۔
جس منکھّ نے آپنے ستگورو دی راہیں (آپنا) من (پربھو نوں) دتا ہے، اس نوں (پربھو دا) پوتر نام مل گیا ہے۔
میں اس (گرو) توں سدکے ہاں، میں اس دی سیوا کرانگی جس نے (مینوں) 'نام' بخشیا ہے۔
جو (پربھو جگت نوں) رچن والا ہے اہی ناس کرن والا ہے، اس توں بنا (ایسی سمرتھا والا) ہور کوئی نہیں ہے؛
جے میں ستگورو دی میہر نال اس نوں سمردی رہاں، تاں سریر وچ کوئی دکھّ نہیں پیدا ہندا (بھاو، کوئی وکار نہیں اٹھدا) ॥31۔۔
(گوپال توں بنا میں) ہور کس دا آسرا لواں؟ (جگت وچ) نا کوئی ایس ویلے میرا (اسل ساتھی) ہے، ناہ کوئی پچھلے سمے (ساتھی بنیا) اتے ناہ ہی کوئی کدے بنیگا۔
(اس کوڑی ممتا دے کارن، مایا نوں ساتھی بنان دے کارن) جنم مرن (دے گیڑ) وچ ہی خوار ہوئیدا ہے، اتے دچتاپن دا روگ (اساڈے اتے) دبا پائی رکھدا ہے۔
'نام' توں سکھنے بندے اؤں ڈگدے ہن (بھاو، سواس وئرتھ گزاری جاندے ہن) جویں کلر دی کندھ (کردی رہندی ہے)۔
'نام' توں بنا (ممتا توں) بچ بھی نہیں سکیدا، (منکھّ) آخر نرک وچ ہی ڈگدا ہے۔
(اس دا اہ بھاو نہیں کِ پربھو دے گن چیتے کیتیاں پربھو دے گناں دا انت پے سکدا ہے) سدا کائم رہن والا پربھو لیکھے توں پرے ہے (بیان نہیں کیتا جا سکدا، پر جو) منکھّ اس (دے سارے گناں) نوں اکھراں دی راہیں ورنن کردا ہے،
(اہ) اگیانی ہے متّ توں سکھنا ہے۔ گرو (دی سرن) توں بنا (اہ) سمجھ بھی نہیں آؤندی (کِ پربھو اگنت ہے)۔
رباب دی تار ٹٹّ جائے تاں وجوگ دے کارن (بھاو، ٹٹّ جان دے کارن) اہ وجّ نہیں سکدی (راگ پیدا نہیں کر سکدی؛
اسے تراں جو جیواتما پربھو توں وچھڑیا ہے اس دے اندر جیون-راگن پیدا نہیں ہو سکدا، پر) ہے نانک! پرماتما (آپنے نال) ملان دی بنت بنا کے وچھڑیاں نوں بھی ملا لیندا ہے ۔۔32۔۔
(منکھا) سریر (اک) رکھّ (سمان) ہے، (اس) رکھّ اتے من پنچھی دے پنج (گیان اندرے) پنچھی (بیٹھے) ہوئے ہن۔
(جنھاں منکھاں دے اہ پنچھی) اک پربھو نال مل کے 'نام'-روپ پھل کھاندے ہن، اہناں نوں رتا بھی (مایا دی) پھاہی نہیں پیندی۔
(پر جو) کاہلی کاہلی اڈدے ہن تے بہتے چوغے (بھاو، بہتے پدارتھ) تکدے پھردے ہن،
(اہناں دے) کھمبھ ٹٹّ جاندے ہن، (اہناں نوں مایا دی) پھاہی آ پیندی ہے تے (گھنی چوگ ول تکن دے) اؤگن بدلے اہناں اتے اہ بپتا آ بندی ہے۔
(اس بھیڑا توں) پربھو (دے گن گاون) توں بنا بچ نہیں سکیدا، تے، پربھو دے گناں دا متھے اتے لیکھ (پربھو دی) بخشش نال ہی (لکھیا جا سکدا) ہے۔
اہ آپ (سبھ توں) وڈا مالک ہے؛ آپ ہی (مایا دی پھاہی توں) بچائے تاں بچ سکیدا ہے۔