کِ اس دی سنگتِ وچ (رہِ کے ہور منکھاں نوں پربھو دا) نام چیتے آؤندا ہے۔
اہ منکھّ آپ (مایا توں) آزاد ہے، جگت نوں بھی مکت کردا ہے؛
ہے نانک! ایسے (اتم) منکھّ نوں ساڈی سدا پرنام ہے ۔۔8۔۔23۔۔
سلوکُ ۔۔
(جس منکھّ نے) اٹلّ نام والے پورن پربھو نوں سمریا ہے،
اس نوں اہ پورن پربھو مل پیا ہے؛ (تاں تے) ہے نانک! توں بھی پورن پربھو دے گن گا ۔۔1۔۔
اسٹپدی ۔۔
(ہے من!) پورے ستگورو دی سکھیا سن،
تے، اکال پرکھ نوں (ہر تھاں) نیڑے جان کے ویکھ۔
(ہے بھائی!) دمّ-ب-دمّ پربھو نوں یاد کر،
(تاں جُ) تیرے من دے اندر دی چنتا مٹ جائے۔
(ہے من!) نتّ ناہ رہن والیاں (چیزاں دیاں) آساں دیاں لہراں چھڈّ دیہ،
اتے ہے من! سنت جناں دے پیراں دی خاک منگ۔
(ہے بھائی!) آپا-بھاو چھڈّ کے (پربھو دے اگے) ارداس کر،
(تے اس تراں) سادھ سنگتِ وچ (رہِ کے) (وکاراں دی) اگّ دے سمندر توں پار لنگھ۔
پربھو-نام-روپی دھن دے خزانے بھر لے،
ہے نانک! اتے پورے ستگورو نوں نمسکار کر ۔۔1۔۔
(ہے بھائی!) تینوں اٹلّ سکھ، سوکھا جیون تے آتمک اڈولتا دا آنند پراپت ہونگے؛
توں سادھ سنگتِ وچ پرم-سکھ پربھو نوں سمر۔
نرکاں نوں دور کر کے جند بچا لے-