رتھ، ہاتھی، گھوڑے تے (سندر) کپڑے سدا کائم رہن والے نہیں ہن،
(اس ساری) مایا نوں پیار نال ویکھ کے (جیو) ہسدا ہے، (پر اہ ہاسا تے مان بھی) وئرتھ ہے۔
دغا، موہ تے اہنکار-(اہ سارے ہی من دے) وئرتھ (ترنگ) ہن؛
آپنے اتے مان کرنا بھی جھوٹھا (نشا) ہے۔
سدا کائم رہن والی (پربھو دی) بھگتی (ہی ہے جو) گرو دی سرن پے کے (کیتی جائے)۔
ہے نانک! پربھو دے چرن (ہی) سدا جپ کے (منکھّ) اسلی جیون جیؤندا ہے ۔۔4۔۔
(منکھّ دے) کنّ وئرتھ ہن (جے اہ) پرائی بخیلی سندے ہن،
ہتھ وئرتھ ہن (جے اہ) پرائے دھن نوں چراؤندے ہن؛
اکھاں وئرتھ ہن (جو اہ) پرائی زنانی دا روپ تکدیاں ہن،
جیبھ وئرتھ ہے (جے اہ) کھانے تے ہور سواداں وچ (لگی ہوئی ہے)؛
پیر وئرتھ ہن (جے اہ) پرائے نکسان واستے دوڑ-بھجّ رہے ہن۔
ہے من! توں بھی وئرتھ ہیں (جے توں) پرائے دھن دا لوبھ کر رہا ہیں۔
(اہ) سریر وئرتھ ہن جو دوجیاں نال بھلائی نہیں کردے،
(نکّ) وئرتھ ہے (جو) وکاراں دی واشنا لے رہا ہے۔
(آپو آپنی ہوند دا منورتھ) سمجھن توں بنا (اہ) سارے (انگ) وئرتھ ہن۔
ہے نانک! اہ سریر سپھل ہے جو پربھو دا نام جپدا ہے ۔۔5۔۔
(ربّ نالوں) ٹٹے ہوئے منکھّ دی امر وئرتھ جاندی ہے،
(کیونکِ) سچے پربھو (دے نام) توں بنا اہ کویں سچا ہو سکدا ہے؟
نام توں بنا انھے (ساکت) دا سریر (ہی) کسے کمّ نہیں،
(کیونکِ) اس دے مونہ وچوں (نندا آدک) بد-بو آؤندی ہے۔