اتے دیوتیاں نوں کہا کِ (تسیں) کوئی چنتا نا کرو۔
درگا دیوی راکھشاں نوں مارن لئی کرودھوان ہو گئی ۔۔5۔۔
دوہرا:
کرودھوان راکھش یدھّ کرن دی چاہ نال رن-بھومی وچ آ گئے۔
(انھاں دی فوج دیاں) تلواراں اتے برچھیاں (اتنیاں) لشک رہیاں سن کِ سورج وی نزر نہیں سی آؤندا ۔۔6۔۔
پؤڑی:
دوہاں (دھراں دیاں موہرلیاں) کتاراں آہمنے ساہمنے ڈٹّ گئیاں اتے ڈھول، سنکھ تے نگارے وجن لگے۔
راکھش کرودھ نال بھرے ہوئے اتے تلوارا تے کوچا نال سجے ہوئے (یدھّ-بھومی وچ) آ گئے۔
اکو تراں ('جاتِ') دے (سورمے) آہمو-ساہمنے یدھّ وچ جٹے ہوئے سن، (جو) بھجنا نہیں سن جاندے۔
میدانے جنگ وچ یودھے گجّ رہے سن ۔۔7۔۔
پؤڑی:
یدھّ دا گھنٹا (جنگ) کھڑکیا اتے رن وچ چاؤ نوں ودھاؤن والے نگارے وجن لگ گئے۔
نیزیاں نال بنھیاں جھنڈیاں اتھوا پھمن جھولن لگے سن اتے چمکیلے نشان (جھنڈے) لشکاں ماردے سن۔
ڈھول اتے نگارے گونجدے (پؤندے) سن؛ (انج پرتیت ہندا سی) مانوں ببر شیر ('جٹاولے') بک رہے ہون۔
درگا اتے دینت یدھّ وچ جٹ گئے سن اتے رن-بھومی وچ بھیانک دھونسے (ناد) وجّ رہے سن۔
(یدھّ وچ) ویر-یودھے برچھیاں نال انج پرچے ہوئے سن مانو ڈالی نال آنولے چمٹے ہوئے ہون۔
اک تلوار نال وڈھے ہوئے (دھرتی اتے اس تراں) تڑپھ رہے سن، مانو شراب پی کے متوالے وانگ لوٹ-پوٹ ہو رہے ہون۔
اکناں نوں جھاڑیاں وچوں چن-چن کے (انج) کڈھیا جا رہا سی (جویں) ریت وچ نیاریئے سونا کڈھدے ہن۔
گدا، ترشول، تیر، برچھیاں بہت تیزی نال چل رہیاں سن،
مانو کالے ناگ ڈنگدے ہون، (جنھاں دے لگن نال) روہ والے ویر مردے جا رہے سن ۔۔8۔۔