جے کوئی منکھّ آپنا دکھّ مٹانا چاہے،
تاں پربھو دا نام سدا ہردے وچ سمرے۔
جے کوئی منکھّ آپنی سوبھا چاہندا ہووے ہے،
تاں ستسنگ وچ (رہِ کے) اس ہؤمے دا تیاگ کرے۔
جے کوئی منکھّ جنم مرن (دے گیڑ) توں ڈردا ہووے،
تاں اہ سنتاں دی چرنیں لگے۔
جس منکھّ نوں پربھو دے دیدار دی تانگھ ہے،
ہے نانک! (آکھ کِ) میں اس توں سدا سدکے جاواں ۔۔5۔۔
(اہ) منکھّ سارے منکھاں وچوں وڈا ہے،
ست سنگ وچ (رہِ کے) جس منکھّ دا اہنکار مٹ جاندا ہے۔
جو منکھّ آپنے آپ نوں (ساریاں نالوں) مند-کرمی خیال کردا ہے،
اس نوں ساریاں نالوں چنگا سمجھنا چاہیدا ہے۔
جس منکھّ دا من سبھناں دے چرناں دی دھوڑ ہندا ہے (بھاو، جو سبھ نال گریبی-سبھاؤ ورتدا ہے)
اس منکھّ نے ہریک سریر وچ پربھو دی ستا پچھان لئی ہے۔
جس نے آپنے من وچوں برائی مٹا دتی ہے،
اہ ساری سرشٹی (دے جیواں نوں آپنا) متر ویکھدا ہے۔
(اہو جہے) منکھّ سکھاں تے دکھاں نوں اکو جہا سمجھدے ہن،
ہے نانک! (تاہیئیں) پاپ تے پنّ دا اہناں اتے اسر نہیں ہندا (بھاو، ناہ کوئی مندا کرم اہناں دے من نوں پھسا سکدا ہے، تے ناہ ہی سرگ آدک دا لالچ کر کے جاں دکھّ کلیش توں ڈر کے اہ پنّ کرم کردے ہن، اہناں دا سبھاء ہی نیکی کرنا بن جاندا ہے) ॥6۔۔
(ہے پربھو) کنگال واستے تیرا نام ہی دھن ہے،
نیاسرے نوں تیرا آسرا ہے۔