کوئی منکھّ اؤں گاؤندا ہے، 'اکال پرکھ سریر نوں بنا کے (پھر) سواہ کر دیندا ہے'۔
کوئی اؤں گاؤندا ہے، 'ہری (سریراں وچوں) جنداں کڈھّ کے پھر (دوجے سریراں وچ) پا دیندا ہے'۔
کوئی منکھّ آکھدا ہے، 'اکال پرکھ دور جاپدا ہے، دور دسدا ہے'؛
پر کوئی آکھدا ہے، '(نہیں، نیڑے ہے)، سبھ تھائیں ہازر ہے، سبھ نوں ویکھ رہا ہے'۔
ہکم دے ورنن کرن دی توٹ نہیں آ سکی (بھاو، ورنن کر کر کے ہکم دا انت نہیں پے سکیا، ہکم دا سہیہ سروپ نہیں لبھّ سکیا)؛
بھاویں کروڑاں ہی جیواں نے بیئنت واری (اکال پرکھ دے ہکم دا) ورنن کیتا ہے۔
داتار اکال پرکھ (سبھ جیاں نوں رزک) دے رہا ہے، پر جیو لے لے کے تھکّ پیندے ہن۔
(سبھ جیو) سدا توں ہی (ربّ دے دتے پدارتھ) کھاندے چلے آ رہے ہن۔ ***
ہکم والے ربّ دا ہکم ہی (سنسار دی کار والا) رستا چلا رہا ہے۔
ہے نانک! اہ نرنکار سدا ویپرواہ ہے تے پرسنّ ہے ۔۔3۔۔
اکال پرکھ سدا-تھر رہن والا ہی ہے، اس دا نیم بھی سدا اٹلّ ہے۔ اس دی بولی پریم ہے اتے اہ آپ اکال پرکھ بیئنت ہے۔
اسیں جیو اس پاسوں داتاں منگدے ہاں تے آکھدے ہاں،'(ہے ہری! سانوں داتاں) دیہ'۔ اہ داتار بخششاں کردا ہے۔
(جے ساریاں داتاں اہ آپ ہی بخش رہا ہے تاں) پھر اسیں کہڑی بھیٹا اس اکال پرکھ دے اگے رکھیئے، جس دے سدکے سانوں اس دا دربار دسّ پئے؟
اسیں مونہوں کہڑا بچن بولیئے (بھاو، کہو جہی ارداس کریئے) جس نوں سن کے اہ ہری (سانوں) پیار کرے۔
پورن کھڑاؤ دا سماں ہووے (بھاو، پربھات ویلا ہووے)، نام (سمریئے) تے اس دیاں وڈیائیاں دی وچار کریئے۔
(اس تراں) پربھو دی مہر نال 'سپھتِ' روپ پٹولا ملدا ہے، اس دی کرپا-درشٹی نال 'کوڑ دی پالِ' توں خلاسی ہندی ہے تے ربّ دا در پراپت ہو جاندا ہے۔
ہے نانک! اس تراں اہ سمجھ آ جاندی ہے کِ اہ ہوند دا مالک اکال پرکھ سبھ تھائیں بھرپور ہے ۔۔4۔۔
نا اہ پیدا کیتا جا سکدا ہے اتے نا ہی ساڈا بنایا بندا ہے۔
اہ نرول آپ ہی آپ ہے۔ اہ اکال پرکھ مایا دے پربھاو توں پرے ہے۔
جس منکھّ نے اس اکال پرکھ نوں سمریا ہے، اس نے ہی وڈیائی پا لئی ہے۔