ہے نانک! (اہ بڑا دیال ہے) در اتے ڈگیاں دی اس پربھو نوں ازت رکھنی ہی پیندی ہے۔
جس اتے اہ بے-پرواہ پربھو مہر کردا ہے، اس نوں پوہ دا مہینا سہاونا لگدا ہے اس نوں سارے ہی سکھ مل جاندے ہن ۔۔11۔۔
ماگھ وچ (ماگھی والے دن لوک پریاگ آدک تیرتھاں تے اشنان کرنا بڑا پنّ سمجھدے ہن، پر توں ہے بھائی!) گرمکھاں دی سنگتِ وچ (بیٹھ، اہی ہے تیرتھاں دا) اشنان، اہناں دی چرن دھوڑ وچ اشنان کر۔
(نمرتا-بھاوت نال گرمکھاں دی سنگتِ کر، اتھے) پرماتما دا نام جپ، پرماتما دی سفت-سالاہ سن، ہور سبھناں نوں اہ نام دی دات ونڈ،
(اس تراں) کئی جنماں دے کیتے کرماں توں پیدا ہوئی وکاراں دی میل (تیرے من توں) لہِ جائگی، تیرے من وچوں اہنکار دور ہو جائگا۔
(سمرن دی برکتِ نال) کام وچ کرودھ وچ نہیں پھسیدا، لوبھ-کتا بھی مکّ جاندا ہے (لوبھ، جس دے اسر ہیٹھ منکھّ کتے وانگ در در تے بھٹکدا ہے)۔
اس سچے رستے اتے تریاں جگت دی سوبھا کردا ہے۔
اٹھاہٹھ تیرتھاں دا اشنان، سارے پنّ کرم، جیواں اتے دیا کرنی جو دھارمک کمّ منی گئی ہے (اہ سبھ کجھ سمرن دے وچ ہی آ جاندا ہے)۔
پرماتما کرپا کر کے جس منکھّ نوں (سمرن دی داتِ) دیندا ہے، اہ منکھّ (زندگی دے سہیہ رستے دی پچھان والا) سیانا ہو جاندا ہے۔
ہے نانک! (آکھ-) جنھاں نوں پیارا پربھو مل پیا ہے، میں اہناں توں سدکے ہاں۔
ماگھ مہینے وچ سرف اہی سچے بندے آکھے جاندے ہن، جنھاں اتے پورا ستگورو دیاوان ہندا ہے (تے جنھاں نوں سمرن دی دات دیندا ہے) ॥12۔۔
(سیالی رتّ دی کرڑی سردی پچھوں بہار پھرن تے پھگن دے مہینے وچ لوک ہولیاں دے رنگ-تماشیاں دی راہیں خشیاں مناندے ہن، پر) پھگن وچ (اہناں جیو-استریاں دے اندر) آتمک آنند پیدا ہندا ہے، جنھاں دے ہردے وچ سجن-ہری پرتکھّ آ وسدا ہے۔
پرماتما نال ملن وچ سہائتا کرن والے سنت جن مہر کر کے اہناں نوں پربھو نال جوڑ دیندے ہن۔
اہناں دی ہردا-سیجا سندر بن جاندی ہے، اہناں نوں سارے ہی سکھّ پراپت ہو جاندے ہن، پھر دکھاں لئی (اہناں دے ہردے وچ) کتے رتا تھاں نہیں رہِ جاندی۔
اہناں وڈ-بھاگن جیو-استریاں دی منو-کامنا پوری ہو جاندی ہے، اہناں نوں ہری-پربھو خسم مل پیندا ہے۔
اہ ست-سنگی سہیلیاں نال رل کے گووند دی سفت-سالاہ دے گیت الاپ کے آتمک آنند پیدا کرن والی گربانی گاندیاں ہن۔
پرماتما ورگا کوئی ہور، اس دی برابری کر سکن والا کوئی دوجا اہناں نوں کتے دسدا ہی نہیں۔
اس پرماتما نے (اہناں ست-سنگیاں دا) لوک پرلوک سوار دتا ہے، اہناں نوں (آپنے چرناں وچ لو-لینتا والی) ایسی تھاں بخشی ہے جو کدے ڈولدی ہی نہیں۔
پربھو نے سنسار-سمندر توں اہناں نوں (ہتھ دے کے) رکھّ لیا ہے، جنماں دے گیڑ وچ مڑ اہناں دی دوڑ بھجّ نہیں ہندی۔
ہے نانک! (آکھ-) ساڈی اک جیبھ ہے، پربھو دے انیکاں ہی گن ہن (اسیں اہناں نوں بیان کرن جوگے نہیں ہاں، پر) جیہڑے جیو اس دی چرنیں پیندے ہن (اس دا آسرا تکدے ہن) اہ (سنسار-سمندر توں) تر جاندے ہن۔