اہ دنیا توں کوئی کھٹی کھٹن توں بنا ہی تر جاندے ہن۔
(نام وسار کے دنیا دے جھمبیلیاں وچ پرچن والا منکھّ اسے) کھپانے وچ کھپ کھپ کے جیون وئرتھ گنوا جاندا ہے۔
پر جو منکھّ پرماتما دے گن گاؤندا ہے اس نوں موت دا بھی ڈر پوہ نہیں سکدا۔
پربھو دے نام دی برکتِ نال اہ، مانو، ساری دھرتی دا دھن پراپت کر لیندا ہے۔
اہ دات پربھو آپ ہی آپنی رزا انوسار دیندا ہے ۔۔26۔۔
(ستگرو-روپر ہو کے) پربھو آپ ہی گیان اچاردا ہے، سمجھدا ہے
آپ ہی اس گیان نوں سندا ہے تے وچاردا ہے۔
(جنھاں منکھاں دے) ہردے وچ ستگورو دا دسیا ہویا (گیان) آ وسدا ہے،
اہ منکھّ پوتر سچے ہو جاندے ہن، اہناں نوں سچا پربھو پیارا لگدا ہے۔
ستگورو سمندر ہے، اس وچ (گوپال دے گناں دے) رتناں دی کمی نہیں،
اہ سچے پربھو دا روپ ہے، لالاں دا امکّ (خزانا) ہے (بھاو، ستگورو وچ بیئنت ربی گن ہن)۔
(ہے پانڈے!) اہ کار کرو جو ستگورو نے دسی ہے،
ستگورو دی دسی کرنی توں پرے ناہ دوڑو۔
ہے نانک! ستگورو دی سکھیا لے کے سچے پربھو وچ لین ہو جاؤگے ۔۔27۔۔
کسے نوں ساہمنے (لا کے) گلّ آکھیاں پیار ٹٹّ جاندا ہے؛
دوہاں پاسیاں توں پھڑیاں بانہ ٹٹّ جاندی ہے؛
مندا بول بولیاں پریت ٹٹّ جاندی ہے،
بھیڑی استری نوں خسم چھڈّ دیندا ہے (نوٹ: اس تک وچ "ٹوٹِ گئی" اتے "پرہرِ چھاڈِ" بھوت کال Past Tense وچ ہن، پر ارتھ پہلی تک دے نال ملان واستے 'ورتمان کال' Present Tense وچ کیتا گیا ہے کیونکِ بھاو اؤں ہی ہے)۔
جے چنگی وچار پھر پئے تاں کوئی (واپری ہوئی) مشکل ہلّ ہو جاندی ہے۔
(ہے پانڈے!) توں بھی گرو دے شبد دی راہیں آپنے من وچ (گوپال دا نام سمرن دا) کمّ سمبھال (اس تراں گوپال ولوں پئی ہوئی گنڈھ کھلھ جاندی ہے۔)