پرم خشیاں والے پربھو دی سفت-سالاہ کرو۔
پربھو دے نام دے بھیت نوں وچارہُ،
تے اس (منکھا-) سریر دا بچاؤ کرو جو بڑی مشکل نال ملدا ہے۔
اکال پرکھ دے گن گاؤ جو امر کرن والے بچن ہن،
زندگی نوں (وکاراں توں) بچاؤن دا اہی وسیلا ہے۔
اٹھے پہر پربھو نوں آپنے انگ-سنگ ویکھہُ،
(اس تراں) اگیانتا مٹ جائیگی تے (مایا والا) ہنیرا ناس ہو جائیگا۔
(ستگورو دا) اپدیش سن کے ہردے وچ وساؤ،
ہے نانک! (اس تراں) من-منگیاں مراداں ملنگیاں ۔۔5۔۔
لوک تے پرلوک دوویں سدھار لوو،
پربھو دا نام اندر ہردے وچ ٹکاؤ۔
پورے ستگورو دی سکھیا بھی پورن (بھاو، مکمل) ہندی ہے،
جس منکھّ دے من وچ (اہ سکھیا) وسدی ہے اس نوں سدا-تھر رہن والا پربھو سمجھ آ جاندا ہے۔
من تے سریر دی راہیں لو جوڑ کے نام جپہُ،
دکھ درد اتے من توں ڈر دور ہو جائیگا۔
ہے ونجارے جیو! سچا ونج کرہُ،
(نام روپ سچے ونج نال) تہاڈا سودا پربھو دی درگاہ وچ ملّ پائیگا۔
من وچ اک اکال پرکھ دا آسرا رکھو،
ہے نانک! مڑ جمن مرن دا گیڑ نہیں ہوویگا ۔۔6۔۔
اس پربھو توں پرے کتھے کوئی جیو جا سکدا ہے؟