جیو (سنسار وچ) جنم لے کے (گوپال دی بھگتی دے تھاں مایا دی خاتر) خوار ہندا ہے، تے آتمک موت دا راہ پھڑ لیندا ہے۔
اتے مایا دی ترشنا نوں مٹان-جوگا نہیں ہندا۔
(جگت دا جھلّ-پنا ویکھو کِ) جے بہتی مایا کسے چندرے منکھّ دے گھر وچ ہووے،
تاں اس دی مایا نوں ویکھ کے (غریب امیر) دوویں (اس چندرے اگے بھی) لفدے ہن؛
جے مایا (پلے) ہووے تاں مورکھ بندا بھی سیانا (منیا جاندا) ہے۔
بھگتی توں وانجھا ہون کر کے جگت جھلا ہویا پھردا ہے۔
(جھلّ-پنے وچ نہیں سمجھدا کِ بھاویں کوئی غریب ہے بھاویں امیر) اہ (گوپال) آپ ہی سبھ جیواں وچ موجود ہے،
پر اہ سوجھ اس منکھّ نوں آؤندی ہے جس اتے (گوپال آپ) کرپا کردا ہے ۔۔14۔۔
(ہے پانڈے! اس گوپال دا نام آپنے من دی پٹی تے لکھ) جو سدا ہی (بہُ-رنگی دنیا) پیدا کر کے آپ نرویر رہندا ہے،
جو جنم مرن وچ نہیں ہے تے (جس دے اندر جگت دا کوئی) دھندھا بھٹکنا پیدا نہیں کردا۔
جو کجھ (جگت وچ) دسّ رہا ہے اہ گوپال آپ ہی آپ ہے (بھاو، اس گوپال دا ہی سروپ ہے)۔
اہ گوپال آپ ہی (سرشٹی) پیدا کر کے آپ ہی سارے جیو بناندا ہے۔
(ہے پانڈے!) جگت دا سہارا اہ گوپال اپہنچ ہے۔ جگت بھٹکنا وچ (پھسیا پیا) ہے۔
(اہ) آپ ہی (جیو نوں اس بھٹکنا وچوں کڈھّ کے) آپنے نال ملن دی جاچ سکھاندا ہے۔
(ہے پانڈے!) اس سدا-تھر (گوپال دی یاد) نوں آپنا کرتبّ بنا، تدوں ہی سکھ ملدا ہے۔
اس دے نام توں وانجے رہِ کے دھندھیاں توں خلاسی نہیں ہو سکدی ۔۔15۔۔
(ہے پانڈے! توں کیوں گوپال دا نام آپنے من دی پٹی اتے نہیں لکھدا؟) نام سمرن توں بنا گیان اندریاں دا آتمک جیون نال ورودھ پے جاندا ہے۔
توں کیوں (گوپال دی یاد وچ) نہیں جڑدا؟ تے، کیوں آپنے من دا روگ دور نہیں کردا؟ (گوپال دا)
(گوپال دا نام آپنے من دی پٹی تے لکھن توں بنا) جیو-مسافر جگت وچ (جہا) آؤندا ہے تے (تہا ہی اتھوں) تر جاندا ہے،
(نام دی کمائی توں) سکھنا ہی اتھے آؤندا ہے تے (اتھے رہِ کے بھی) کوئی آتمک کھٹی نہیں کھٹدا۔