جپُ جی ساہب

(انگ: 4)

ਸੁਣਿਐ ਸਿਧ ਪੀਰ ਸੁਰਿ ਨਾਥ ॥

suniaai sidh peer sur naath |

اہ نام ہردے وچ ٹکن دی ہی برکتِ ہے کِ واہگرو دی سفت-سالاہ سنن نال (سادھارن منکھّ) سدھاں، پیراں، دیوتیاں تے ناتھاں دی پدوی پا لیندے ہن

ਸੁਣਿਐ ਧਰਤਿ ਧਵਲ ਆਕਾਸ ॥

suniaai dharat dhaval aakaas |

تے واہگرو دی سفت-سالاہ سنن نال اہناں نوں اہ سوجھی ہو جاندی ہے کِ دھرتی آکاش دا آسرا اہ پربھو ہے،

ਸੁਣਿਐ ਦੀਪ ਲੋਅ ਪਾਤਾਲ ॥

suniaai deep loa paataal |

واہگرو دی سفت-سالاہ سنن نال سوجھی پیندی ہے کِ واہگرو جو سارے دیپاں، لوکاں، پاتالاں وچ ویاپک ہے

ਸੁਣਿਐ ਪੋਹਿ ਨ ਸਕੈ ਕਾਲੁ ॥

suniaai pohi na sakai kaal |

(واہگرو دی سفت-سالاہ سنن والے منکھّ کال وی نہیں پونہدا بھاو انھاں نوں موت نہیں ڈرا سکدی)

ਨਾਨਕ ਭਗਤਾ ਸਦਾ ਵਿਗਾਸੁ ॥

naanak bhagataa sadaa vigaas |

ہے نانک! (اکال پرکھ دے نام وچ سرت جوڑن والے) بھگت جناں دے ہردے وچ سدا کھڑاؤ بنیا رہندا ہے،

ਸੁਣਿਐ ਦੂਖ ਪਾਪ ਕਾ ਨਾਸੁ ॥੮॥

suniaai dookh paap kaa naas |8|

(کنکِ) اس دی سفت-سالاہ سنن کر کے (منکھّ دے) دکھاں تے پاپاں دا ناس ہو جاندا ہے ۔۔8۔۔

ਸੁਣਿਐ ਈਸਰੁ ਬਰਮਾ ਇੰਦੁ ॥

suniaai eesar baramaa ind |

اکال پرکھ دے نام وچ سرت جوڑن دا سدکا سادھارن منکھّ شو، برہما تے اندر دی پدوی 'تے اپڑ جاندا ہے،

ਸੁਣਿਐ ਮੁਖਿ ਸਾਲਾਹਣ ਮੰਦੁ ॥

suniaai mukh saalaahan mand |

مندا منکھّ بھی مونہوں ربّ دیاں سفتاں کرن لگّ پیندا ہے،

ਸੁਣਿਐ ਜੋਗ ਜੁਗਤਿ ਤਨਿ ਭੇਦ ॥

suniaai jog jugat tan bhed |

(سادھارن بدھّ والے نوں بھی) سریر وچ دیاں گجھیاں گلاں، (بھاو، اکھاں، کنّ، جیبھ آدک اندریاں دے چالیاں تے وکار آدکاں ولّ دوڑ-بھجّ) دے بھید دا پتا لگّ جاندا ہے،

ਸੁਣਿਐ ਸਾਸਤ ਸਿਮ੍ਰਿਤਿ ਵੇਦ ॥

suniaai saasat simrit ved |

پربھو-میلو دی جگتی دی سمجھ پے جاندی ہے، شاستراں سمرتیاں تے ویداں دی سمجھ پے جاندی ہے (بھاو، دھارمک پستکاں دا اسل اچا نشانا تدوں سمجھ پیندا ہے جدوں اسیں نام وچ سرت جوڑدے ہاں، نہیں تاں نرے لفزاں نوں ہی پڑھ چھڈدے ہاں، اس اسلی جزبے وچ نہیں پہنچدے، جس جزبے وچ اپڑ کے اہ دھارمک پستکاں اچاریاں ہندیاں ہن)

ਨਾਨਕ ਭਗਤਾ ਸਦਾ ਵਿਗਾਸੁ ॥

naanak bhagataa sadaa vigaas |

ہے نانک! (نام نال پریت کرن والے) بھگت جناں دے ہردے وچ سدا کھڑاؤ بنیا رہندا ہے؛

ਸੁਣਿਐ ਦੂਖ ਪਾਪ ਕਾ ਨਾਸੁ ॥੯॥

suniaai dookh paap kaa naas |9|

(کیونکِ) ربّ دی سفتِ سالاہ سنن کرکے (منکھّ دے) دکھاں تے پاپاں دا ناش ہو جاندا ہے ۔۔9۔۔

ਸੁਣਿਐ ਸਤੁ ਸੰਤੋਖੁ ਗਿਆਨੁ ॥

suniaai sat santokh giaan |

ربّ دے نام وچ جڑن نال (ہردے وچ) دان (دین دا سبھاؤ)، سنتوکھ تے پرکاش پرگٹ ہو جاندا ہے،

ਸੁਣਿਐ ਅਠਸਠਿ ਕਾ ਇਸਨਾਨੁ ॥

suniaai atthasatth kaa isanaan |

مانو، اٹھاہٹھ تیرتھاں دا اشنان (ہی) ہو جاندا ہے (بھاو، اٹھارٹھ تیرتھاں دے اشنان نام جپن دے وچ ہی آ جاندے ہن)۔

ਸੁਣਿਐ ਪੜਿ ਪੜਿ ਪਾਵਹਿ ਮਾਨੁ ॥

suniaai parr parr paaveh maan |

جو ستکار (منکھّ ودیا) پڑھ کے پاندے ہن، اہ بھگت جناں نوں اکال پرکھ دے نام وچ جڑ کے ہی مل جاندا ہے۔

ਸੁਣਿਐ ਲਾਗੈ ਸਹਜਿ ਧਿਆਨੁ ॥

suniaai laagai sahaj dhiaan |

نام سنن دا سدکا اڈولتا وچ چتّ دی برتی ٹک جاندی ہے۔

ਨਾਨਕ ਭਗਤਾ ਸਦਾ ਵਿਗਾਸੁ ॥

naanak bhagataa sadaa vigaas |

ہے نانک! (اکال پرکھ دے نام وچ سرت جوڑن والے) بھگت جناں دے ہردے وچ سدا کھڑاؤ بنیا رہندا ہے،

ਸੁਣਿਐ ਦੂਖ ਪਾਪ ਕਾ ਨਾਸੁ ॥੧੦॥

suniaai dookh paap kaa naas |10|

(کیونکِ) اکال پرکھ دی سفت-سالاہ سنن نال (منکھّ دے) دکھاں تے پاپاں دا ناس ہو جاندا ہے ۔۔10۔۔

ਸੁਣਿਐ ਸਰਾ ਗੁਣਾ ਕੇ ਗਾਹ ॥

suniaai saraa gunaa ke gaah |

اکال پرکھ دے نام وچ سرت جوڑن نال (سادھارن منکھّ) بیئنت گناں دی سوجھ والے ہو جاندے ہن،

ਸੁਣਿਐ ਸੇਖ ਪੀਰ ਪਾਤਿਸਾਹ ॥

suniaai sekh peer paatisaah |

اتے شیخ پیر تے پاتشاہاں دی پدوی پا لیندے ہن۔