جدوں دا توں سنسار وچ آیا ہیں، توں (پربھو-سمرن توں بنا) ہور ہور کمّ ہی کردا رہا۔
جس ہری نے تینوں پیدا کیتا ہے، اس نوں توں آپنے من وچ نہیں وسایا (اس دی یاد وچ کدے نہیں جڑیا)۔
(پر، ہے سریر! تیرے بھی کیہ وسّ؟) جس منکھّ دے پوربلے کیتے کرماں دے سنسکار اگھڑدے ہن، گرو دی کرپا نال اس دے من وچ پرماتما وسدا ہے (اہی ہری-سمرن وچ جڑدا ہے)۔
نانک آکھدا ہے کِ جس منکھّ نے گرو-چرناں وچ چتّ جوڑ لیا، (اس دا) اہ سریر سپھل ہو جاندا ہے (اہ منکھّ اہ منورتھ پورا کر لیندا ہے جس واستے اہ بنایا گیا) ॥35۔۔
ہے میریؤ اکھیؤ! پرماتما نے تہاڈے اندر (آپنی) جوتِ ٹکائی ہے (تاہیئیں تسی ویکھن-جوگیاں ہو) جدھر تکو، پرماتما دا ہی دیدار کرو۔
پرماتما توں بنا ہور کوئی غیر نا دسے، نگاہ نال ہری نوں ویکھو۔
(ہے اکھیؤ!) اہ سارا سنسار جو تسی ویکھ رہیاں ہو، اہ پربھو دا ہی روپ ہے، پربھو دا ہی روپ دسّ رہا ہے۔
گرو دی کرپا نال مینوں سمجھ پئی ہے، ہن میں جدوں (چپھیرے) ویکھدا ہاں، ہر تھاں اک پرماتما ہی دسدا ہے، اس توں بنا ہور کجھ نہیں۔
نانک آکھدا ہے کِ (گرو نوں ملن توں پہلاں) اہ اکھیاں (اسل وچ) انھیاں سن، جدوں گرو ملیا، اہناں وچ روشنی آئی (اہناں نوں ہر تھاں پرماتما دسن لگا۔ اہی دیدار آنند-مولد ہے) ॥36۔۔
ہے میرے کنو! پرماتما دی سفت-سالاہ دی بانی سنن واستے بنایا ہے،
پرماتما دی سفت-سالاہ دی بانی سنیا کرو، سدا-تھر کرتار نے تہانوں اہی سنن واستے بنایا ہے، اس سریر وچ تھاپیا ہے۔
اس سفت-سالاہ دی بانی دے سنن نال تن من آنند-بھرپور ہو جاندا ہے، جیبھ آنند وچ مست ہو جاندی ہے۔
سدا-تھر پرماتما تاں اسچرج-روپر ہے، اس دا کوئی چہن-چکر دسیا نہیں جا سکدا، اہ نہیں کہا جا سکدا کِ اہ کہو جہا ہے۔
(اس دے گن کہن سنن نال سرف اہی لابھ ہندا ہے کِ منکھّ نوں آتمک آنند پراپت ہندا ہے، تاہیئیں) نانک آکھدا ہے کِ آتمک آنند دین والا نام سنیا کرو، تسی پوتر ہو جاووگے، پرماتما نے تہانوں اہی سنن واستے بھیجیا (بنایا) ہے ۔۔37۔۔
پرماتما نے جند نوں سریر-گفا وچ ٹکا کے جیو نوں بولن دی شکتی دتی۔
سریر نوں بولن دی شکتی دتی، نکّ کنّ آدک نوں کرم-اندریاں پرتکھّ تور تے بنائیاں، دسویں در (دماغ) نوں لکواں رکھیا۔
پربھو نے جنھاں نوں گرو دے در تے اپڑا کے آپنے نام دی سردھا بخشی، اہناں نوں دسواں در بھی وکھا دتا (اہناں نوں سمرن دی وچار-ستیا بھی دے دتی جو آتمک آنند دا مول ہے)۔
اس اوستھا وچ منکھّ نوں انیکاں رنگاں روپاں وچ ویاپک پربھو دا اہ نام-روپاں نوں خزانیاں دا بھنڈار بھی پراپت ہو جاندا ہے جس دا انت نہیں پے سکدا (جو کدے مکدا نہیں)۔
نانک آکھدا ہے کِ پیارے پربھو نے جند نوں سریر-گفا وچ ٹکا کے جیو نوں بولن دی شکتی بھی دتی ۔۔38۔۔
پرماتما دی سفت-سالاہ دی اہ بانی سادھ سنگت وچ (بیٹھ کے) گاویا کرو۔