پربھو دا سمرن کرنا (ہور) سارے (آہراں) نالوں چنگا ہے؛
پربھو دا سمرن کرن نال بہت سارے (جیو) (وکاراں توں) بچ جاندے ہن۔
پربھو دا سمرن کرن نال (مایا دی) ترہ مٹ جاندی ہے،
(کیونکِ مایا دے) ہریک (کیل) دی سمجھ پے جاندی ہے۔
پربھو دا سمرن کرن نال جماں دا ڈر مکّ جاندا ہے،
تے (جیو دی) آس پورن ہو جاندی ہے (بھاو، آساں ولوں من رجّ جاندا ہے)۔
پربھو دا سمرن کیتیاں من دی (وکاراں دی) میل دور ہو جاندی ہے،
اتے منکھّ دے ہردے وچ (پربھو دا) امر کرن والا نام ٹک جاندا ہے۔
پربھو جی گرمکھ منکھاں دی جیبھ اتے وسدے ہن (بھاو، سادھ جن سدا پربھو نوں جپدے ہن)۔
(آکھ) ہے نانک! (میں) گرمکھاں دے سیوکاں دا سیوک (بناں) ॥4۔۔
جو منکھّ پربھو نوں سمردے ہن، اہ دھناڈھ ہن،
تے، اہ ازت والے ہن۔
جو منکھّ پربھو نوں سمردے ہن، اہ منے-پرمنے ہوئے ہن،
تے اہ (سبھ منکھاں توں) چنگے ہن۔
جو منکھّ پربھو نوں سمردے ہن اہ کسے دے متھاج نہیں ہن،
اہ (تاں سگوں) سبھ دے بادشاہ ہن۔
جو منکھّ پربھو نوں سمردے ہن اہ سکھی وسدے ہن،
اتے سدا لئی جنم مرن توں رہت ہو جاندے ہن۔
(پر) پربھ-سمرن وچ اہی منکھّ لگدے ہن جنھاں اتے پربھو آپِ میہربان (ہندا ہے)؛
ہے نانک! (کوئی وڈ-بھاگی) اہناں گرمکھاں دی چرن-دھوڑ منگدا ہے ۔۔5۔۔