سکھ سمردھی - ਆਖਣਿ ਜੋਰੁ ਚੁਪੈ ਨਹ ਜੋਰੁ ॥ ਜੋਰੁ ਨ ਮੰਗਣਿ ਦੇਣਿ ਨ ਜੋਰੁ ॥

ਆਖਣਿ ਜੋਰੁ ਚੁਪੈ ਨਹ ਜੋਰੁ ॥

aakhan jor chupai nah jor |

بولن وچ تے چپّ رہن وچ بھی ساڈا کوئی آپنا اختیار نہیں ہے۔

ਜੋਰੁ ਨ ਮੰਗਣਿ ਦੇਣਿ ਨ ਜੋਰੁ ॥

jor na mangan den na jor |

نا ہی منگن وچ ساڈی من-مرزی چلدی ہے اتے نا ہی دین وچ۔

ਜੋਰੁ ਨ ਜੀਵਣਿ ਮਰਣਿ ਨਹ ਜੋਰੁ ॥

jor na jeevan maran nah jor |

جیون وچ تے مرن وچ بھی ساڈی کوئی سمرتھا (کمّ نہیں دیندی)۔

ਜੋਰੁ ਨ ਰਾਜਿ ਮਾਲਿ ਮਨਿ ਸੋਰੁ ॥

jor na raaj maal man sor |

اس راج تے مال دے پراپت کرن وچ بھی ساڈا کوئی زور نہیں چلدا (جس راج تے مال دے کارن ساڈے) من وچ پھوں-پھاں ہندی ہے۔

ਜੋਰੁ ਨ ਸੁਰਤੀ ਗਿਆਨਿ ਵੀਚਾਰਿ ॥

jor na suratee giaan veechaar |

آتماک جاگ وچ، گیان وچ اتے وچار وچ رہن دی بھی ساڈی سمرتھا نہیں ہے۔

ਜੋਰੁ ਨ ਜੁਗਤੀ ਛੁਟੈ ਸੰਸਾਰੁ ॥

jor na jugatee chhuttai sansaar |

اس جگتی وچ رہن لئی بھی ساڈا اختیار نہیں ہے، جس کر کے جنم مرن مکّ جاندا ہے۔

ਜਿਸੁ ਹਥਿ ਜੋਰੁ ਕਰਿ ਵੇਖੈ ਸੋਇ ॥

jis hath jor kar vekhai soe |

اہی اکال-پرکھ رچنا رچ کے (اس دی ہر پرکار) سمبھال کردا ہے، جس دے ہتھ وچ سمرتھا ہے۔

ਨਾਨਕ ਉਤਮੁ ਨੀਚੁ ਨ ਕੋਇ ॥੩੩॥

naanak utam neech na koe |33|

ہے نانک! آپنے آپ وچ ناہ کوئی منکھّ اتم ہے اتے ناہ ہی نیچ (بھاو، جیواں نوں سداچاری جاں دراچاری بنان والا اہ پربھو آپ ہی ہے۔ جے سمرن دی برکتِ نال اہ نسچا بن جائے تاں ہی پرماتماں نالوں جیو دی وتھّ دور ہندی ہے) ॥33۔۔

شبد بارے

سرلیکھ:	جپ
لکھاری:	گرو نانک دیو جی
انگ:	7
لڑی سنکھیا:	9 - 11

جپ

گرو نانک دیو جی دوارا 15 ویں سدی وچّ اچارن کیتی بانی، جپجی ساہب پرماتما دی سبھ توں ڈونگھی ویاکھیا ہے۔ اک سرب ویاپی بانی جو مول منتر نال شرو ہندی ہے۔ اس وچ 38 پؤڑیاں اتے 1 شلوک ہن، اہ پرماتما نوں سبھ توں شدھّ روپ وچ بیان کردی ہے۔