سکھ سمردھی - ਪੰਚ ਪਰਵਾਣ ਪੰਚ ਪਰਧਾਨੁ ॥ ਪੰਚੇ ਪਾਵਹਿ ਦਰਗਹਿ ਮਾਨੁ ॥

ਪੰਚ ਪਰਵਾਣ ਪੰਚ ਪਰਧਾਨੁ ॥

panch paravaan panch paradhaan |

جنھاں منکھاں دی سرت نام وچ جڑی رہندی ہے تے جنھاں دے اندر پربھو واستے لگن بن جاندی ہے اہی منکھّ (اتھے جگت وچ) منے-پرمنے رہندے ہن اتے سبھ دے آگو ہندے ہن۔

ਪੰਚੇ ਪਾਵਹਿ ਦਰਗਹਿ ਮਾਨੁ ॥

panche paaveh darageh maan |

اکال پرکھ دی درگاہ وچ بھی اہ پنچ جن ہی آدر پاندے ہن۔

ਪੰਚੇ ਸੋਹਹਿ ਦਰਿ ਰਾਜਾਨੁ ॥

panche soheh dar raajaan |

راج-درباراں وچ بھی اہ پنچ جن ہی سوبھدے ہن۔

ਪੰਚਾ ਕਾ ਗੁਰੁ ਏਕੁ ਧਿਆਨੁ ॥

panchaa kaa gur ek dhiaan |

اہناں پنچ جناں دی سرت دا نشانا کیول اک گرو ہی ہے (بھاو، اہناں دی سرت گر-شبد وچ ہی رہندی ہے، گر-شبد وچ جڑے رہندا ہی اہناں دا اسل نشانا ہے)۔

ਜੇ ਕੋ ਕਹੈ ਕਰੈ ਵੀਚਾਰੁ ॥

je ko kahai karai veechaar |

بھاویں کوئی کتھن کر ویکھے تے وچار کر لئے،

ਕਰਤੇ ਕੈ ਕਰਣੈ ਨਾਹੀ ਸੁਮਾਰੁ ॥

karate kai karanai naahee sumaar |

اکال-پرکھ دی کدرتِ دا کوئی لیکھا ہی نہیں (بھاو، انت نہیں پے سکدا) پر (گر-شبد وچ جڑے رہن دا اہ سٹا نہیں نکل سکدا کِ کوئی منکھّ پربھو دی رچی سشرٹی دا انت پا سکے۔ پرماتما تے اس دی کدرتِ دا انت لبھنا منکھّ دی زندگی دا منورتھ ہو ہی نہیں سکدا)

ਧੌਲੁ ਧਰਮੁ ਦਇਆ ਕਾ ਪੂਤੁ ॥

dhaual dharam deaa kaa poot |

(اکال پرکھ دا) دھرم-روپی بجھواں نیم ہی بلد ہے (جو سرشٹی نوں کائم رکھّ رہا ہے)۔ (اہ دھرم) دیا دا پتر ہے (بھاو، اکال پرکھ نے آپنی مہر کر کے سرشٹی نوں ٹکا رکھن لئی 'دھرم' روپ نیم بنا دتا ہے)۔

ਸੰਤੋਖੁ ਥਾਪਿ ਰਖਿਆ ਜਿਨਿ ਸੂਤਿ ॥

santokh thaap rakhiaa jin soot |

اس دھرم نے آپنی مریادا انوسار سنتوکھُ نوں جنم دے دتا ہے۔

ਜੇ ਕੋ ਬੁਝੈ ਹੋਵੈ ਸਚਿਆਰੁ ॥

je ko bujhai hovai sachiaar |

جے کوئی منکھّ (اس اپر-دسی وچار نوں) سمجھ لئے، تاں اہ اس یوگ ہو جاندا ہے کِ اس دے اندر اکال پرکھ دا پرکاش ہو جائے۔

ਧਵਲੈ ਉਪਰਿ ਕੇਤਾ ਭਾਰੁ ॥

dhavalai upar ketaa bhaar |

(نہیں تاں، خیال تاں کرو کِ) بلد اتے دھرتی دا کتنا کُ بیئنت بھار ہے (اہ وچارا اتنے بھار نوں چکّ کویں سکدا ہے؟)

ਧਰਤੀ ਹੋਰੁ ਪਰੈ ਹੋਰੁ ਹੋਰੁ ॥

dharatee hor parai hor hor |

(دوجی وچار ہور ہے کِ جے دھرتی دے ہیٹھ بلد ہے، اس بلد نوں سہارا دین لئی ہیٹھ ہور دھرتی ہوئی، اس) دھرتی دے ہیٹھاں ہور بلد، اس توں ہیٹھاں (دھرتی دے ہیٹھ) ہور بلد، پھیر ہور بلد؛

ਤਿਸ ਤੇ ਭਾਰੁ ਤਲੈ ਕਵਣੁ ਜੋਰੁ ॥

tis te bhaar talai kavan jor |

(اسے تراں اخیرلے) بلد توں بھار (سہارن لئی اس دے) ہیٹھ کہڑا آسرا ہوویگا؟

ਜੀਅ ਜਾਤਿ ਰੰਗਾ ਕੇ ਨਾਵ ॥

jeea jaat rangaa ke naav |

(سرشٹی وچ) کئی زاتاں دے، کئی کسماں دے اتے کئی ناواں دے جیو ہن۔

ਸਭਨਾ ਲਿਖਿਆ ਵੁੜੀ ਕਲਾਮ ॥

sabhanaa likhiaa vurree kalaam |

اہناں سبھناں نے اک-تار چلدی کلم نال (اکال پرکھ دی کدرت دا) لیکھا لکھیا ہے۔

ਏਹੁ ਲੇਖਾ ਲਿਖਿ ਜਾਣੈ ਕੋਇ ॥

ehu lekhaa likh jaanai koe |

(پر) کوئی ورلا منکھّ اہ لیکھا لکھنا جاندا ہے (بھاو، پرماتما دی کدرت دا انت کوئی بھی جیو پا نہیں سکدا۔

ਲੇਖਾ ਲਿਖਿਆ ਕੇਤਾ ਹੋਇ ॥

lekhaa likhiaa ketaa hoe |

(جے) لیکھا لکھیا (بھی جائے تاں اہ اندازا نہیں لگّ سکدا کِ لیکھا) کیڈا وڈا ہو جائے۔

ਕੇਤਾ ਤਾਣੁ ਸੁਆਲਿਹੁ ਰੂਪੁ ॥

ketaa taan suaalihu roop |

اکال پرکھ دا بیئنت بل ہے، بیئنت سندر روپ ہے،

ਕੇਤੀ ਦਾਤਿ ਜਾਣੈ ਕੌਣੁ ਕੂਤੁ ॥

ketee daat jaanai kauan koot |

بیئنت اس دی دات ہے۔ اس دا کون اندازا لا سکدا ہے؟

ਕੀਤਾ ਪਸਾਉ ਏਕੋ ਕਵਾਉ ॥

keetaa pasaau eko kavaau |

(اکال پرکھ نے) آپنے ہکم نال سارا سنسار بنا دتا،

ਤਿਸ ਤੇ ਹੋਏ ਲਖ ਦਰੀਆਉ ॥

tis te hoe lakh dareeaau |

اس ہکم نال (ہی زندگی دے) لکھاں دریا بن گئے۔

ਕੁਦਰਤਿ ਕਵਣ ਕਹਾ ਵੀਚਾਰੁ ॥

kudarat kavan kahaa veechaar |

(سو) میری کیہ تاکت ہے کِ (کرتار دی کدرتِ دی) وچار کر سکاں؟

ਵਾਰਿਆ ਨ ਜਾਵਾ ਏਕ ਵਾਰ ॥

vaariaa na jaavaa ek vaar |

(ہے اکال پرکھ!) میں تاں تیرے اتوں اک واری بھی سدکے ہون جوگا نہیں ہاں (بھاو، میری ہستی بہت ہی تچھّ ہے۔)

ਜੋ ਤੁਧੁ ਭਾਵੈ ਸਾਈ ਭਲੀ ਕਾਰ ॥

jo tudh bhaavai saaee bhalee kaar |

جو تینوں چنگا لگدا ہے، اہ کمّ بھلا ہے (بھاو، تیری رزا وچ رہنا ہی ٹھیک ہے)۔

ਤੂ ਸਦਾ ਸਲਾਮਤਿ ਨਿਰੰਕਾਰ ॥੧੬॥

too sadaa salaamat nirankaar |16|

ہے نرنکار! توں سدا اٹلّ رہن والا ہیں ۔۔16۔۔

شبد بارے

سرلیکھ:	جپ
لکھاری:	گرو نانک دیو جی
انگ:	3
لڑی سنکھیا:	11 - 18

جپ

گرو نانک دیو جی دوارا 15 ویں سدی وچّ اچارن کیتی بانی، جپجی ساہب پرماتما دی سبھ توں ڈونگھی ویاکھیا ہے۔ اک سرب ویاپی بانی جو مول منتر نال شرو ہندی ہے۔ اس وچ 38 پؤڑیاں اتے 1 شلوک ہن، اہ پرماتما نوں سبھ توں شدھّ روپ وچ بیان کردی ہے۔